“Tashabbusli budjet”ning 2026-yilgi ikkinchi mavsumida loyiha kiritish bosqichi yakunlandi. Bu haqda Iqtisodiyot va moliya vazirligi xabar berdi.
Qayd etilishicha, loyiha kiritish bosqichi 15-iyuldan 3-avgustga qadar davom etgan. Bu davrda platformaga jami 23 551 ta loyiha kelib tushgan.
Endilikda 4-avgustdan 18-avgustga qadar kelib tushgan loyihalarni saralash bosqichi o‘tkaziladi.
Vazirlik fuqarolarni o‘z hududlaridagi muammolarni hal etishda faol ishtirok etishga chaqirdi.
