Farg‘ona viloyatida Davlat kadastrlari palatasining tuman filiallaridan biri rahbariga nisbatan jinoyat ishi qo‘zg‘atildi. Bu haqda DXX xabar berdi.
Mansabdor 1990-yilda tug‘ilgan fuqaroning noqonuniy qurilgan savdo do‘koniga nisbatan Kadastr agentligi tuman bo‘limi tomonidan tuzilgan dalolatnomani bekor qildirish va unga qonuniy chora ko‘rilmasligini ta‘minlash evaziga iyul oyi boshida $600 olgan.
Biroq filial rahbari va‘dasini bajarmasdan, fuqaroga $500ni qaytarib bergan.
O‘tkazilgan tezkor-qidiruv tadbirlari natijasida holat fosh etilgan.
Hozirda unga nisbatan jinoyat ishi qo‘zg‘atilib, dastlabki tergov harakatlari olib borilmoqda.
